原文鏈接

話咁快唔夠兩個禮拜，官府一輪衝鋒就搞完個「商議式」民調，去查下民間對官府準備修訂嘅《出版法》同《視聽廣播法》有乜意見。不過唔搞猶自可，搞咗好唔 妥。民調問卷一出，業界率先發難，指民調方式極之導向性，根本就唔係民調，仲被業界發現就議式小組討論時，竟然出現一圍十多人中竟有大部分係官媒同一機構 嘅同事，正一痴痴呆呆坐埋一枱，唔止係導向性，直頭係種票。咁樣嘅民調調嚟做乜鬼？索性場戲都慳番，直接俾三百幾萬個機構交份預先砌好嘅民調，然後叫佢哋 啃掂佢就算數，反正場戲都咁屎不如唔做好過做。最離譜嘅係阿局長竟然話大家可以討論好多嘢，官府無既定立場。如果係咁點解官府要推呢個修法建議？只係因為 太舊唔適合現代環境？咁點唔合適又唔講清楚，更重要嘅係官府修法嘅方向究竟係點，到而家阿局長都仲係支支吾吾神神秘秘，想令公眾同埋新聞從業員協會接受都 幾難。

　鄰埠家陣玩緊知縣選舉，有候選人批評被某媒體抹黑，媒體老闆突然開記招發難，大大聲聲話做過嘅嘢怕乜認！呢啲就係新聞自由，大家可以隔空 互炳話之你，只要唔好涉及人身攻擊或誹謗，反正真相只會越辯越明。新聞局點解要咁偷摸搞民調，背後原因我哋都唔想推測，事關而家官府想搞乜都無用，就算個 民調報告係點都無人會信，只會被人話場戲做得唔好睇即請立刻回水。官府提出嘅修法建議裏面寫明，建議設立出版委員會同新聞評議會，而家局長又話官府只係問 業界會唔會設立呢兩個會，亦都唔會指定乜嘢人去做呢個會嘅委員，咁即係點？若果業界要設立自己內部嘅專業委員，早就自己搞咗唔使佢操心，玩咁多花臣使幾百 萬最終講句咁嘅嘢，豪完三千幾萬而家再豪三百幾，果然係最豪新聞局。